معانا مش هتقدر تغيرالصفحه
 
الرئيسيةالبوابةس .و .جبحـثالأعضاءالمجموعاتالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
القائمة الرئيسية

 

 

الرئيسية

 

 

 

منتدي افلام

 

 

منتدي الاخبار

 

 

http://i43.servimg.com/u/f43/12/33/30/26/16021510.gif

 

 

 المنتدي الاسلامي

 

 

 

 منتدي الموبيلات

 

 

 

منتدي العاب

 

 

 

 منتدي برامج

 

 

 

منتدي الاغاني

 

 

http://i43.servimg.com/u/f43/12/33/30/26/16031510.gif

 

منتدي الصور

 

 

 

 منتدي المشاهدة المباشرة 

 

مركز رفع ملفات اضافي

الاكثر شعبية اليوم
live feed
اماكن الزوار
Locations of visitors to this page

شاطر | 
 

 امتحان بس ايه ملوش حل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
general
general
avatar

عدد الرسائل : 750
العمر : 30
الفاعلية :
البلد :
النادي المحلي :
النادي العالمي :
تاريخ التسجيل : 26/04/2008

مُساهمةموضوع: امتحان بس ايه ملوش حل   الخميس أبريل 23, 2009 7:19 pm

السؤال الأول

التعبير


اكتب ما لايقل عن 650 سطر فى أحد الموضوعات التالية :


1) لم يجد الطفل غير الشارع ملجأ نظرا لحالة البلد الهباب..فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة

2) شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز

3) بعد انتشار ظاهرة أكل لحم الكلاب والحمير..من وجهة نظرك تكلم عن هذه الظاهرة ومن المتسبب فيها بس بدون غلط .. الورق متراقب






السؤال الثانى

القصة


من قصة ' وعهد الله ما انت داخل الانتخابات' ... اقرأ القطعة وأجب عن الأسئلة التى تليها :

ثم أتى إليه وضربه بالجزمة وقال: انت عايز تترشح فى الانتخابات يامعفن؟؟ دانت عايز معجزة..مش كفاية بتاكلوا لحمة ومستورين.. عايزين إيه تانى؟

1) ما هى اللحمة؟ أو على الأقل حدد أقرب معنى خيالى لها

2) مرادف معجزة فى اللغة ( تغيير وزارى – زيادة المرتبات – رغيف العيش)

3) لماذ ضربه الرجل بالجزمة وليس بالعصى مثلا؟
(كسل .. لسة هيرفع العصاية؟ - عشان العصاية قلة قيمة واحنا فى عصر الديمقراطية – عشان العصاية شغالة مع واحد تانى)

4) حلل بمزيد من التفصيل جملة ضربه بالجزمة ومدى توافقها مع جملة مصر بتتقدم بينا












السؤال الثالث

القراءة

من موضوع ( الزعيم..و الفنان.. والقدوة)

اقرأ القطعة وأجب عن الأسئلة التى تليها :

وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا كما أنه يرحب بالتوريث ومقتنع بكل سياسات الحكومة

1) ذكرنا فى الدرس أن عادل إمام سيتقاضى فى فيلمه القادم 12 مليون جنيه.. فى رأيك ياعم المحروم تبقى البوسة بكام فى الفيلم؟؟

2) دخل كاتب هذه السطور مسرحية بودى جارد للزعيم رغم قرفه منه أساسا.. فى رأيك ما السبب فى دخوله؟

( أكيد معزوم – طبيعى معزوم – وربنا معزوم )

اختر من بين القوسين على أن تضع إيدك على المصحف وانت بتحلف للمراقب بتاع اللجنة




السؤال الرابع

النصوص

أجب عن أحد النصين الآتيين

أ ) النص الأول

من نص ( ماشربتش من نيلها) .. اقرأ ثم أجب

ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها

1) بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية.... ما المقصود بنيلها فى النص؟

المسيسبى - الأمازون –يانج تسى



2) هذا النص من نصوص الحزب الوطنى والدليل وجود اسم مهم من قيادات الحزب فى النص. استخرج الاسم. وبوسه من بُقـُّه ورجَّعُه مكانه



3) أكمل الأبيات إلى آخر كحكة فى الكليب



4) قوبل النص بانتقادات بسبب بعده عن الواقع...وضح من النص ما يتفق مع القول المأثور اطبخى ياجارية .. كلف يا سيدى





ب) النص الثانى

من نص (حين ميسرة)..أجب عن الآتى

1) اذكر اسم مصيبة واحدة محصلتش فى النص الأسود ده

2) وضح عبقرية أحمد بدير الإرهابى فى النص وهو يكتب رسالة على الكمبيوتر باستخدام أزرار الأرقام فقط ومفيش حروف.. ويعطى أمر التنفيذ بزرار قايمة ستارت مش بإنتر

كمبيوتر إرهابى بقى

3) سبب وجود الشرطة كل خمس دقائق فى النص

موسم ترقيات عقبال أملتك ولازم شغل – أخو خالد يوسف ظابط ولازم يخدم أخوه – عشان الشرطة بتراقب قسم البوليس اللى جنب أحداث النص اختر




السؤال الخامس

النحو



أعرب ما تحته خط

لو مالقيتش القطعة أصلا .. اتصرف

ذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا ياكلب

كان ممدوح إسماعيل قاتلا .. ضع إن مكان كان.. على ألا تنصب ممدوح.. عشان هوه بينصب لوحده

فُرِضت الضرائب علينا ببشاعة ..أعرب الجملة .. وارفع الضرائب أبوس إيد أمك




السؤال السادس

الخط

كوز المحبة انخرم..طرطش على كمى..ياحبيبى بطل جفا وارحم عذاب امى

اكتب الجملة السابقة ثلاث مرات بثلاث خطوط.. موبينيل وفودافون واتصالات..كما يمكن التحويل من خط لخط بنفس الرقم.. فقط اتصل بخدمة العملاء



general was here
iam back
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://number1isback.yoo7.com
بارودى
عضو ملكي
عضو ملكي
avatar

عدد الرسائل : 793
العمر : 29
الفاعلية :
البلد :
النادي المحلي :
النادي العالمي :
الوسام :
تاريخ التسجيل : 27/04/2008

مُساهمةموضوع: رد: امتحان بس ايه ملوش حل   الجمعة أبريل 24, 2009 4:21 pm

ده امتحان اسمه لم ينجح احد
من قصة ' وعهد الله ما انت داخل الانتخابات' ... اقرأ القطعة وأجب عن الأسئلة التى تليها :

ثم أتى إليه وضربه بالجزمة وقال: انت عايز تترشح فى الانتخابات يامعفن؟؟ دانت عايز معجزة..مش كفاية بتاكلوا لحمة ومستورين.. عايزين إيه تانى؟


والله امتحان جامد
موضوع مووووووووز
اشطه
lol!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ahmedsabrybadawy
********************
********************
avatar

عدد الرسائل : 2735
العمر : 29
البلد :
النادي المحلي :
النادي العالمي :
الوسام :
تاريخ التسجيل : 26/04/2008

مُساهمةموضوع: رد: امتحان بس ايه ملوش حل   السبت أبريل 25, 2009 12:17 am

* دا الاجابة يا ريس على أمتحانات الثانوية العامة أسهل بكتير من الاجابة على الامتحان ده وموضوع يستحق الاشادة بيه تسلم الايادى.


http://www.ahmedsabry.clubme.net
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.ahmedsabry.clubme.net
lola
******************
******************
avatar

عدد الرسائل : 721
العمر : 29
النادي المحلي :
الوسام :
تاريخ التسجيل : 26/04/2008

مُساهمةموضوع: رد: امتحان بس ايه ملوش حل   الثلاثاء أبريل 28, 2009 11:24 pm

انا مش معاهم يا بية
انت راجع تحبسنا يا عم ولا تقلب علينا المواجع
موضوع جميل بجد شكرا ليك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://number1isback.yoo7.com
 
امتحان بس ايه ملوش حل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
number1isback.yoo7 :: منتدي الموضوعات العامة :: الموضوعات العامة-
انتقل الى: