الغندور يرد على حسن: أملك أدلة على صدق كلامي

قال الاعلامي خالد الغندور إنه يملك العديد من الأدلة التي تؤكد صدق كلامه فيما يخص قيام أحمد حسن لاعب الأهلي بالاتصال بهاني سعيد واقناعه بعدم الانضمام للزمالك وتفضيله اللعب في الأهلي.

وقال الغندور في تصريحات خاصة : "لا أتحدث في أي موضوع في برنامج "الرياضة اليوم" إلا عندما أكون متأكدا من صدق كلامي بنسبة مائة بالمائة، ولا أنسج قصصا من خيالي، وموضوع اتصال حسن بهاني سعيد واقناعه بالانضمام للأهلي جاءني من أربعة مصادر مختلفة وتأكدت منه تماما، وأملك الأدلة على صدق كلامي، ومستعد لتقديمها في الوقت المناسب".

وأضاف "لا أدرى لماذا ينفي حسن هذه القصة، فحسن لاعب في الأهلي ومن حقه الدخول في مفاوضات واقناع زملائه اللاعبين بالانضمام للأهلي ولا أري عيبا في ذلك، فأيمن عبد العزيز يفعل ذلك في الزمالك، ولكن يبدو أن حسن يرغب في أن ينال حب جميع الجماهير سواء الأهلوية أو الزملكاوية، ويخشى أن يفقد حب جماهير الزمالك".

وكان حسن قد هاجم الغندور متهمه بأنه ينحاز لصالح الزمالك ويهاجمه بسبب انضمامه للأهلي، وقرر رفع دعوى قضائية ضده رافضا الزج باسمه في أي مهاترات.

وتابع الغندور: "أنا أقول الحقائق كاملة ولست منحازا للزمالك، ولو كنت كذلك لأكدت قصة اعتداء هاني سعيد على عبد المنصف، ولكني كذبت هذه القصة وقلت أنها غير صحيحة، وهذا يدل على حيادي التام".

وحول موقفه من الدعوى القضائية التي ينوي حسن رفعها قال الغندور: "من حق حسن إن يفعل ما يشاء، واذا أراد رفع دعوى فأهلا وسهلا بذلك".

يا صبري انا سمعت امبارح الاتنين لما اتكلمو علي مودرن
الصراحه الغندور ده مينفعش اعلامي خالص لانه منحاز بشكل رهيب
للزملكاويه
وعايز اقوله ابقي خلي الزمالكويه ينفعوه و هو في السجن

هو الغندور بيقول أنى فى ادلة هيكشفها النهاردة فى برنامجه الرياضة اليوم على دريم لما نشوف بقى هل هيدخل السجن ولا القصة هتطلع صح ,
فى الحقيقة مش عشان هو زملكاوى ولا انا زملكاوى بعيداً عن ذلك انا بصراحة مصدق الغندور عن حسن لانى بيقولك مصادره رئيس تحرير البرنامج وكذا مصدر تانى من داخل المنتخب وبصراحة كدة احمد حسن مش نازلى من زور من ساعة بطولة 2006 وبدأ عليه التعب والانانية.

شوف يا صبري بعيدا عن اني احمد حسن هو اللاعب الوحيد الي
كان بياخر الهجمات في 2006
بس انا شايف ان الغندور دايما متحيز
يمكن اساسا نادي الزمالك كل صفقاته فيها مشاكل مش جديده
لان كل اللاعيبه نفسهم يروحو الاهلي
بس حكاية ان هاني ضرب عبد المنصف او الحوار بتاع البلطجيه ده
انا مش مصدقه
بس حوار ان احمد حسن يكون قال لهاني تعالي الاهلي
اعتقد ممكن

هو فعلاً اى لاعب فى مصر نفسه يكون فريقه كامل متكامل والكمال لله وحده , وممكن احمد يكون عايز هانى يجى الاهلى وممكن يكون كلمه ,
وممكن كذلك عبد المنصف يكون كلم هانى .
اما موضوع البلطجية هو الموضوع كله فى النيابة دلوقتى وهى اللى هتقول الرأى الاخير فيه .

الغندور يرد على حسن: أملك أدلة على صدق كلامي Agogo211

سيبك انت من كل ده المهم أنك رجعتلنا بالسلامة يا جنرال وعوداً حميداً

مرسي كتير يا جميل
المهم عايز اعرف رايك مين الي هيفوز مبارة الاهلي الزمالك الجاية
و توقعك
انا بتوقع
2/1 للاهلي
و اتوقع ان متعب يكون موجود

والله يا عمدة هتبقى مباراة عصبية جداً سواء الجمهور أو اللاعيبة, وأتوقع وأتمنى فوز الزمالك 1/0 والهدف بقدم أجوجو أو حمزة

اجوجو ازاي بقي
دي مبارة في افريقيا و اجوجو مش متقيد يبقي ازاي

للعلم لا غير :-أجوجو وأيمن عبد العزيز وأسامة حسن وهانى سعيد اللى لسة موقع من دقيقتين
أنضموا للقائمة الافريقية .