سؤال كامل فى أمتحان التخطيط الاقتصادى عن الازمة المالية وغير موجود بالكتاب

* أسباب الازمة المالية :-

1- نتيجة انتشار الدورة الورقية وتجميد الاموال.
2- نتيجة توحش وثراء وجشع رجال الاعمال .
3- تسهيل القروض الشخصية على العقارات من البنوك والمؤسسات وشركات التأمين.
4- اساس الازمة عجز التمويل وذلك أدى الى انخفاض فى الاسعار .
5- أرتفاع سعر الفائدة على القروض .

* تأثير الازمة على قطاعات المجتمع:-

1- افلاس البنوك.
2- تراجع حجم الآسهم التى يمتلكها الافراد (المجتمع).
3- انخفاض اسعار البترول.
4- تقليل الدورة الاقتصادية وارتفاع نسبة معدل البطالة.
5- انخفاض قيمة الدولار.
6- انخفاض مستوى المعيشة.

* تأثير الازمة على مصر :-

1- انخفاض وقلة الصادرات وبدأت المصدرين يتجهون الى السوق المحلى.
2- قطاع البترول وانخفاض معدل سعر البرميل.
3- تراجع فى السياحة وهذا جزء من الدخل القومى.
4- انخفاض أسعار السلع.
5- تأثير قناة السويس لان حركة التجارة العالمية انخفضت.
6- ارتفاع معدل البطالة.
7- تراجع فى البورصة نتيجة انخفاض حجم اسعار الاسهم.

* حل الازمة أو كيفية مواجهة التخطيط للمشكلة الاقتصادي العالمية:-

1- ضخ أموال للقطاعات المختلفة حتى يتم استمرارها فى النشاط.
2- الرقابة على الاسواق وكسر الاحتكار وضمان الحفاظ على المنافسة الشريفة.
3- تحقيق التوازن بين مصالح فئات المجتمع وتوسيع نشاط قطاع الاعمال العام فى المشروعات الاساسية التى قد لايقدر عليها القطاع الخاص.
4- اعادة النظر فى أولويات المشروعات المطلوبة حيث يتم التركيز على المشروعات التى تخدم مصالح أجتماعية واسعة.

بالنجاح والتوفيق الباهر بأمر الله للجميع أسالكم الدعاء لاخواتنا فى غزة وقراءة الفاتحة لهم أرجوكم.

http://www.ahmedsabry.forumotion.com

شكرا يا ابو حميد على مجهودك الرائع وبجد شكرا وشكل السؤال ده هيجى بكره وهيكون السؤال الثالث

العفو يا اسلام باشا على أيه دا أقل واجب , يجى الثالث يجى التانى يجى الاول المهم أنه فعلاً جاى جاى.

http://www.ahmedsabry.forumotion.com

يا احمد ياصبرى انت قولتلى ان المادة ديه سهللللللللللللللللة

لييييييييييييه ده انا اتخضيت ياعم من المادة لما قريت الملزمة

اكتبلنا كام سؤال كده تكون متوقعهم عشان الواحد يركز عليهم وربنا معانا

شكرا يا ايو صبرى على المجهود الرائع
سؤال كامل فى أمتحان التخطيط الاقتصادى عن الازمة المالية وغير موجود بالكتاب 39979

سؤال كامل فى أمتحان التخطيط الاقتصادى عن الازمة المالية وغير موجود بالكتاب 450913

سؤال كامل فى أمتحان التخطيط الاقتصادى عن الازمة المالية وغير موجود بالكتاب 27524510

www.mohamedmzr.hooxs.com

الرد على أيمن باشا:- أنا على فكرة لسة عند رأى ان المادة دى أن شاء الرحمن هتبقى سهلة ومن عينيا الاتنين هكتبلك كام سؤال .

الرد على عماد باشا :- والله العظيم تلاتة انت اللى روعة حبيبى يا عمدة.

الرد على زوكرى باشا:- العفو يا مان , بس انا عايز اوضح حاجة صغيرة بالنسبة لمقطع الفيديو اللى انت حطه انى الاعلامى عمرو أديب والفنان والاعلامى عزت أبو عوف من الزملكاوية الكبار جداً ويمكن بيحبوا الزمالك اكتر من اى حد بس طبعاً مش أكتر منى, وبعدين يا ريس الاهلى فاز على الزمالك 1/0 ايه المشكلة منتوا ياما شلتوا مننا , كسبناكوا 6/0 عام 1944 كسبتونا 6/1 , الزمالك من ثلاث سنوات الاهلى مكنش عارف ياخد منوا بطولة واحدة والاهلى الان كذلك مع العلم انى الزمالك خد كأس مصر السنة اللى فاتت , وبعدين على رأى المثل انتوا مش قادرين على الحمار هتتشتروا على ... الزمالك ولا أيه .ههههههو والدليل القاطع على كلامى يا ريت كل الاهلوية يشوفوا بقى المقطع ده

http://www.ahmedsabry.forumotion.com

* سؤال اخر لايمن باشا:-

* التخطيط الاقتصادى وسيلة لتوجيه موارد المجتمع المادية والبشرية لتحقيق أهداف التنمية الاقتصادية والعدالة الاجتماعية . من خلال قراءتك للعبارة السابقة وضح مايلى:-

أ- التعريف العام للتخطيط مع توضيح الفرق بين التخطيط فى الدول الاشتراكية والدول الراسمالية.
ب-وضح اهداف التخطيط الاقتصادى.
جـ- انواع التخطيط الاقتصادى.
ء-مقومات التخطيط الاقتصادى,

الاجابة

أ- التخطيط:- هو عبارة عن عملية حصر وتوظيف الامور والموارد فى أفضل الاستخدامات البديلة بأسلوب تخطيط معين لتحقيق الاهداف .
* التخطيط فى الدول الرآسمالية:- نشأت على تفضيل طبقات المجتمع على حسب أهميتها والحكومة توضح خطوط عريضة والقطاعات تخطط لنفسها .
* التخطيط فى الدول الاشتراكية:- نشأت على المساواة بين طبقات المجتمع والحكومة تخطط كل شىْ.

ب- 1- التخطيط بأهداف ثابتة:- وهو محاولة حصر الموارد واستخدامها لتحقيق الهدف .
عيوب هذه الطريقة:- -قد لاتتفق مع الواقعية , ووجود مبالغة فى الاهداف التى تم تحديدها .
2- التخطيط بأهداف مثلى:- تتم من خلال الحصر الشامل للموارد المتاحة فقط.

جـ- 1-درجة المركزية:- وهى الرأسمالية المركزية واللامركزية اشتراكية .
2- درجة الشمول:- حيث تتضم وتشمل الخطة كل القطاعات المجتمع .
3-المحور الجغرافى:- ان الخطة تشمل كل المناطق.
4- المحور الزمنى:- الفترة الزمنية التى تتم فيها الخطة وهناك خطة طويلة الاجل وتكون أكثر من 20 سنة والمتوسطة من 3:5 سنوات وقصيرة تكون سنتين.

ء- 1- التنسيق :- يعد العنصر الاساى المميز للتخطيط الاقتصادى وأن يكون التنسيق بين الادوات والسياسات .
2-مركزية التخطيط ولامركزية التنفيذ:- أن التخطيط يتم جهة السلطات العليا أما التنفيذ يأتى من جهة رجال الاعمال وبالتالى لا يرتبطوا جيداً.
3- التنبؤ:- لايقوم تخطيط سليم بدون تنبؤ أو معرفة ما سيحدث فى المستقبل بناءاً على معرفته بالماضى جيداً.
4- شمول القطاعات وشمول المناطق الجغرافية :- يجب عمل شمول لكى يحدث التوازن وعدم التوازن بين القطاعات يحدث مشكلة بينهم . سواء كانت قطاعات زراعية او صناعية او الخ.............

http://www.ahmedsabry.forumotion.com

لا بقى يا ابو صبرى انت كده جامد جدا وملكش حل انت فعلا انسان ممكن الاعتماد عليه احب أكد ان السؤالين احمد باشا كتيبهم هيجى منهم نص الامتحان فعلا وده مش كلام على الفاضى

كمان سؤال عشان محدش يقول ان احنا مقصرين فى حاجة
س:اذكر مراحل اعداد الخطة الاقتصادية مع توضيح االعناصر الاساسية لأنجاح الخطة الاقتصادية؟
مراحل اعداد الخطة:-
1- جمع البيانات الاساسية
2- تحديد الاهداف الاولية للخطة
3- مناقشة الهيئات الحكومية والغير حكومية فى الاهداف الاولية
4- تصميم الاطار العام فى الاولى للخطة
5- استطلاع رأى الوحدات الانتاجية
6- تجميع ردود واقتراحات الوحدات الوحدات الانتاجية
7- عرض الردود والاقتراحات على اللجان المتخصصة
8- تصميم الاطار التفصيلى للخطة
9- اقرار الخطة الاقتصادية
10- عرض الخطة
عناصر انجاح الخطة:-
1-توافر الاستقرار السياسى
2-وافقية اهداف الخطة
3-المشاركة الايجابية لأفراد الشعب
4-توافر البيانات والاحصائيات اللازمة
5-توفر عدد كاف من الخبراء الاقتصاديين
6-تنظيم القوانين واللوائح المالية والادارية
7-توفر المرونة المناسبة بالخطة
8-دراسة تجارب الدول الاخرى

فى كمان سؤال بكتية وبكده يبقى الامتحان كله على المنتدى بس عشان الجنرال غالى عندنا كلنا ومينفعش نكسفة ولا انت رائيك ايه يا جنرال عماد

احب بس اعلق على السؤال التناى لأحمد صبرى باشا هو السؤال بالنسبة للى مذاكر المادة مفهوم بس بالنسبة للى مش عارف حاجة فى المادة(بطيخة يعنى) كنافة كل حا جة سايحة على بعض
بص ياعم البطيخة تعريف التخطيط والتخطيط الاشتراكى والرأسمالى واضحين؛ اما بالنسبة للاهداف هما اتنين اهدف ثابتة واهداف مثلى؛ اما بالنسبة لانواع التخطيط هما اربعة درجة المركزية،درجة الشمول،المحور الجغرافى،المحور الزمنى، اما ياسييدى المقومات فهما التنسيق،مركزية التخطيط،التنبؤ،الشمول.
ياريت تكون يا استاذ بطيخة عرفت اجابة السؤال كويس بس يا سيدى وفعلا المادة سهلة جدا ولذيذة

ياجماعه بجد مجهود رائع و خسارة ان كتير من الدفعه مش عارفين المنتدي ده هما الي خسارنين كان نفسي يبقي كل الدفعه بجد تبقي معانا و كانو استفادو بس طبعا تقصير مني اني مش نشرتو و منكم بردو لاني مش منتدايا لوحدي
لكن زي ما انتو عارفين هما دول المصريين كل و احد في و ادي
و مشربش الشاي اكل بسبوسه انا
وبجد تشكرات علي المجهودات الي فوق رائعات يارجالات

صبري و الوافد الجديد و راس الحربه المساعد لصبري اسلام عصام
سلامات
مع تحيات
general \ emad cupoo
Gaza stay a live

يا رافع معنوايتنا يا جنرال بجد من غيرك مكنتش اعرف هنعمل ايه ومين كان هيجمعنا مع بعض كده بس متخافش يا جنرال اعتمد علينا ان احنا ننشر المنتدى بس المشكلة مش هنا للاسف كل اللى بيستخدمو النت موجوديين فعلا على المنتدى وده مش تقصير مننا انت عارف العقليات المصريه ومعظم شباب المعهد بيدخلو على النت ليه
بالمناسبة يا جنرال ملأيش معاك حتتة بسبوسة من اللى انت لسة كنت بتكلم عنها وشوية شاى من اللى مشربتوش ده لو مفيهاش تقل عليك طبعا

ابو صبرى الف شكر ليك يامان على المجهود المتميز وبردو اسلام عصام

شكرا على البطيخ الكتير اللى جاى تفرقه فى المادة ديه

هههههههههههههههههههه

الى بيحصل فينا ده حرااااام والله انا عيان من ابارح وعمال اخد فى مضادات حيويه لاغايه منتهيت
انا رايح ادفن بكره لو حد عايز يجى ولا حاجه
بوصو يا جماعه فى سؤال مش فى ملزمه كوكو بس موجود فى المحاضرات السؤال بيقول
س/ما هى دعائم التخطيط الاقتصادى؟
ج/ 1.التدخل الحكومى : هى عباره عن تداخل الحكومه فى التخطيطات والاوامر التى يتم فيها عمل اى مشروع او اى عمل اخر
2/ تعبئة الموارد
3/ توجيه الاستثمارات : هو ما يتم فيه تصدير الموارد وتسمى الاستثمارات والاندفاع لها

وعلى رأى اسلام على شان متقولوش انى مقصر فى حاجه وربنا يوفقنا بكره انشاء الله

واضح ان البارودى يا جماعة فى النعاع وبيموت ربنا معاك يا بارودى انا بالنيابة عن الشعبة كلها بقولك ربنا معاك وانشاء اللة تقوم بالسلامة وتيجى بكرة تمتحن وشكرا على السؤال انت كدة مقصرتش فى اى حاجة
اما يا ايمن اتمنى ان يكون البطيخ عجبك لانه مزروع علشانك لان احنا فى الشتى والبطيخ ما بيطلعش غير فى الصيف يلا ياعم عشان متقولش ان حارمكومن حاجة بطيخ فى الشتى حبنا بس نثبت ان احنا زراعة زراعة يعنى

اسلام وصبرى و بارودى يا مظبتنا و على فكرة المادة سهلة و الف سلامة يا بارودى و على فكرة يا اسلام انا مباجبش البطيخ

اه بالمناسبة يا جنرال فين البسبوسة والشاى اللى كنت كلمتك عنهم ياريت بس بعد اذنك يعنى تكون بسبوسة بالقشطة والشاى ياريت يكون شاى لبتون فتلة معلقة ونص سكر بس مش اكتر من كده

بالتوفيق يا رجالة ومفيش شكر بين الاخوات

, اما بقى بالنسبة لاسلام باشا انت بتضحك على العيال وتقولهم بطيخ فى الشتاء ومية مية وفى الاخر اكيد دا بطيخ صوب .

* والف مليون سلامة لبارودى باشا وعايزين نودع صاحبكم يا ولاد يلا اغنية الوداع .

http://www.ahmedsabry.forumotion.com

ممكن بس كلمات اغنية الوداع يا احمد باشا عشانمش فاكرهاكويس والبطيخ بتاعى مية مية كلة أرع وملوش حل انت بتهزر ولا ايه ده احنا معهد التعاون الزراعى بلا فاخر يعنى احسن ناس ليهم فى البطيخ ده احنا كولنا عايمين فى مية البطيخ ياراجل

تقريبا يا ابو صبرى كلمات الاغنية بتقول :- مش عايزنك مش عايزنك يلا فى دهية ده احنا ناسينك صح ولا دى اغنية تانية ولا ايه

ههههههههه لا والله دا بارودى حبيبنا برده وميهونش علينا مش كدة يا بارودى ,
كلمات الاغنية فى المقطع ده .

http://www.ahmedsabry.forumotion.com

هههههههههههههههههههه لا هى دى فعلا الكلمات اللى تليق ولا بلاش

الله يسلمكو يا رجاله والله مليكو عليه حلفان انا لسه فى الورقه التانيه فى كوكو ومش عارف هخلص امتى يمكن انهرده بكره بعده حسب التساهيل ممكن على طلعة رجب
يلا بقى انا داخل انام
على راى المثل نام وارتاح ياتيك النجاح
ومن سهر اليالى باات لللعام التالى
وعلى راى الشاعر يا واضع الصفر تمهل فى وضعه فان الصفر موضوعا من زاته
يلا يا رجاله اشوفكم العام التالى قصدى بكره
ههههههههههههههههههههههههه